سرير مزدوج..>>وجع ياخزيآه

[تباري السآس]

بسم الله اول مره ادخل تسعه واضيف موضوع..

هيييش...ياآآآآآولد.. ماحد يرد..

تسني سمعت صوت احد يتنحنح..

<<ايقونه الشاب اللطيف ناسفن شماغه بيطلع...من العنبر..>>بما انه اخر واحد حط موضوع.

تغطيت عاد انا خفت اني اغويه...قلت اطلع الله يعافيك بحط موضوع..

مايصلح تقعد بعدين يشغلونا يقولون خلوه غير شرعيه..

ماتسوى عليك يجي جمس الهيئه يضفك..

انا بطلع منها وانت اللي بتنجلد عند الجامع يوم الجمعه..

قسم تسان الجدار رادن علي فهو راد..

المهم مالكم بالطويله..

من يوم كنت صغيره وانا اتمنى انام في سرير كبير ذاك حق المتزوجين اللي يصير مزدوج..>>يلعن ام الوصف

عاد كبرت معي الامنيه ..مع مرور الزمن..فكرت في سرير امي وابوي بس ماش..عيب

فيه عرق بداخلي يقوول استحي على وجهك وش هالامنيه اللي مالها حل...الا تعرسين..

قلت للعرق لا موب شرط اتزوج ياعرق بإمكاني احقق امنيتي قبل اعرس..

ترى انا قصدي شريف وبنام فيه لحالي..

قال اقووول على شحمه ولايكثر واعقلي....قلت طيب..وانا اسلك له..

شوفوا شلون سبحان الله اذا صارت الامنيه شريفه تتحقق..

اشترت جدتي غرفه جديده..مع ان جدي ميت من سنة الف واربع ميه وخشبه..

بس مانظلم الحرمه يمكن تبي السعه والمعزه..

ومن اشترتها وانا كذا..

قلت اتركها كم يوم لين تروح الطفه مدري الطفره اللي فيها..همن ابدى اتلزق فيها..

واجي ذاك اليوم وهي مسفهله وتردد ااغنيه سلامه العبدالله..مدري حجاب المهم انه واحدن من جيلها اللي ماله حل..

قلت ياجده اسمعي وبدون مقدمات تراي ابنام عندتس اليوم..

قالت وشوله قلت عاد ابنام وبس..وترى اسمعي انتي تبي تنامين على الارض..

قالت منهو بامره تبي تنامين تعالي في جنبي والا نومي على الارض..

هنا انا زقت معي بس مالي الا ارضى..قلت طيب خلاص بس عسى منتيب تراجفين في الليل..

قالت صدز انتس ماتستحين قلت خلاص امزح امزح خلاص اتوب..مجرد سؤال عابر

وجاءت الليله الموعوده..منذ الطفوله الغابره..

طبعا جدتي طقت الشلحه القطن وتسلقت على السرير وطفت الماطور ونآمت..

مدري ليه احس الشياب اذا بغوا ينامون زي الماطور اذا طفى..

كذا بدون مقدمات نامت..الظاهر انها تسمع بالهواجيس اللي ماتجي الا قبل النوم..

الجو هدووووء مااسمع الا شخير خفيف<<ماودها تسب جدتها..

بس فعلا يوم نمت جنبها حسيت اني بنات منول..

حسيت اني مؤدبه وسنعه واحتري الصبح اروح اصلح فطور حنيني ومدري وشو..

من كثر ماانا داخله جو..

لوهله حسيت كني نايمه جنب بيت طين موب جنب جدتي..

فيه ريحة عبق الماضي وريحه تراب جايه مويه..اقووولكم ابد كني نايمه جنب بيت طين..

شي غريب ان الواحد ينام جنب عجووز شعور جميل يحسسك انك قديم ومغبر..

المهم..

وانا عايشه جو قدييييم..وهادي....

واشوف ذاك الشايب يمشي على اطراف اصابعه.. مقبلن علينا من الجهه اللي لمي....

قلت بس يابنت ترى هالشايب نيته شينه والا وش جايبه في الليل..

لكن لاتسوين فيها بريئه وتصارخين وتقومين بيت الطين اللي جنبك..

قمت اشرت له بيدي بتلويحه تنم عن غضبي الشديد واني مابي اقوم ماي قراند فاذر..

قلت نعم يابو الشباب عسى ماشر ..وش تبي في هالساعه المتاخره جاين عند الحريم...

قال تخسين وتعقبين ذولا محارمي وذا سرير حرمتي..

قلت محارمك طل..

جدتي يمكن لكن انا لا مابعد اعرست علشان تصير محرمي..>>فاهمه ان المحرم بس الزوج

قال انا جدك يالخبله..

والله صدق..

يوم قرب..اثره جدي..

قلت الله يقطع بليسك خوفتني الله يرحمك ..

قال هلا هلا تباري ماعرفتك ايه الله يرحم اموات المسلمين<<باين انها زاقتن معها يوم شافني

قلت وش جايبك في ذا الوقت..؟؟

قال انا كل ليله اجي فيذا وانام..عند عجوزي لاتستاحش في الليل..

قلت احلى يالسديراوي تنام فيذا اجل..يله يله رح الله يرحمك وبلا قلة ادب..

المكان محجوز..الليله..

بانت خيبة الامل على محياه الجميل..عطاني ظهره وهو يجرجر اذيال الهزيمه..

عاد مدري وين راح له..بس الظاهر انه رجع للمقبره..

وبيت الطين لايزال نايم مادرى عن شايب ولا عن مقبره ولا هزيمه ولاشي..

تقلبت وتقلبت في ارجاء السرير ماش ماجاني نوووم..

بديت اسمع زقزقه العصافير..واصوات بواري السيارات ..قلت بس جاء الصبح..

وانقز من على السرير وانا العن واشتم في نفسي وانا صغيره...

لابوتس لابو اللي علمتس تتمنين امنية وتحققينها في سرير عجوز...رجلها ميت ويجي عندها في الليل لاتستاحش..

لابوتس لابو ابوتس يومنتس مسويتن نفستس مثل بنات افلام كرتون تحلمين بالشي وتحققينه..

^
^

ترى مدري من سارق يوزر تباري وحاط الموضوع..

مشكله اللي مواصل ولابعد نام..

.

 

[رسن]

واشوف ذاك الشايب يمشي على اطراف اصابعه.. مقبلن علينا من الجهه اللي لمي....


قلت بس يابنت ترى هالشايب نيته شينه والا وش جايبه في الليل..

نفسي الآمآره فالبدآيه قآلت : هذآ اللي مشري عشآنه السرير
بس أنبته نفسي السويه قآلت: عيب جدة تبآري آعقل من كذآ

قلت احلى يالسديراوي تنام فيذا اجل..يله يله رح الله يرحمك وبلا قلة ادب..

دعآية للسديرآوي آنه رومنسي

وانقز من على السرير وانا العن واشتم في نفسي وانا صغيره...

قلعتك ولآ احد يحقق آمنيته مع عجوز

ترى مدري من سارق يوزر تباري وحاط الموضوع..

جدك حقد عليك بعد الطرده


.



روحي نآمي الله يصلحك
بس بسريرك حتى لو كآن نص نفر على الأقل تحلمين آحلآم ورديه

 

[نـوض بـرق]

فيه ريحة عبق الماضي وريحه تراب جايه مويه

ههههههههههههههههههه ، عبق وتراب مع مويه .. عليك تخيلات ودمج

جاز لي وصفك

لاتخافين بتحقق الامنيه ههههههههه

قلت احلى يالسديراوي تنام فيذا اجل..يله يله رح الله يرحمك وبلا قلة ادب..


المكان محجوز..الليله..

ههههههههه ، على قولتهم وراه يا كافي
حطيتيها قلة أدب هههه وطردتيه

واخرتها تقولين الليله

يعني بكره عادي



لاهنتي تباري ، تدرين اعجبتني القصه ، ممكن تطورينها

 

[تباري السآس]

ضيوف من الوزن الثقيل..

رسن ونوض برق..

اسعدني تواجدكم بقووووه..

نوض برق بشر يعني يطلع مني كتابات لها قيمه والا كيف..؟؟

تراها...اول محاوله لي في الكتابه غير الادبيه..<<فضحت عمرها

لكن تركت الادب الى غير رجعه

علشان كذا متوقعه يكثر عليها النقد..وهذا اللي ابيه..

اللي بيرد ياليت يسدح نقده للقصه..

 

[تباري السآس]

الحين وين اللي بيشجعون الدماء الشآبه..وين ردودكم مالت عليكم..>>خربتها

ومزعجينا بتطورون الحاير يله هذاني تجرآت وحطيت قصه بتسعه...

وينكم..؟؟ووينكم..؟؟وين ردودكم..

برب

صيآآح..

 

[قمم.]

___

سبب قلة ردودي في تسعه

اني صرت متعود على اللي يكتبونه ولا عاد فيه تجديد مع انه وصلوا للتوب

لكن هالموضوع رجعني وخلاني ارد بسبب انه فيه تجديد شوي سواء وصل للتوب او ماوصل


..

ترا من زمان وانا اتمنى هالأمنية وليومتس مابعد تحققت

ظنتس احطها في فقاعات صابون ؟

قمت اشرت له بيدي بتلويحه تنم عن غضبي الشديد واني مابي اقوم ماي قراند فاذر..

ركزي يا اختي

قلت الله يقطع بليسك خوفتني الله يرحمك ..

هههههههههههههههههههههه والله من السماجة

عطاني ظهره وهو يجرجر اذيال الهزيمه..

يجرجر ولا يخسخس هههههههههههههههههههههههههههههههههههه < قاتلتس الله يا مصالتي



مشكوووووووووووووووووورة ع الموضوع الرائع والمفيد جدا والقيم < ياويلي من المنقهر

___

 

[$ جـــوري $]

هههههههههههههههههههههههههههههه
هههههههههههههههههههههههههههههه


ياملحك تكفين انتي وقصتك وامنيتك ..

وجدتك وجدك الله يرحمه ههههههههههههههههههههه ..
منتيب صاحيه ..

احلى شي اذا جيتي تنامين عند جدتك
اذا قعدت تلعب بشعرك مدري وشي ذيك الحركه اللي كنها مساج للراس ..

ياحظك ماشاءالله عندك جده تقدرين تنامين عندها ..
انا جدتي مهيب عندي ..
وجدتي الثانيه من يوم توفت الله يرحمها ويسكنها الجنه وانا حاسه بفراغ عاطفي مدري وشو وصرت اتلزق بجدات الناس ..
<< وش نسوي لك

يختي وه بس .. والله انهم احلى شي بالدنيا ..
<< وراها قلبت الموضوع نكد ..

اما سرير " ابو نفرين " .. كانت في السابق امنيتي هذا الشي ..
وقالوا لي نفس الشي اذا تزوجتي .. وش ابي به اذا تزوجت ..
ابي شي لي لحالي .. حلالي بلالي ..
ومير حامت تسبدي وماتت الامنيه ..

تباري
موضوع خفيف وظريف ومملوح مثل راعيته ..
واكيد مثبت

 

[القــــــرصــــــان]

هههههههههههههههههههههههههههههههههههههههههههههه


كل السالفه كوم .. و سالفة "بيت الطين" و "ريحة عبق الماضي و تراب جايه مويه" كوم



هالموضوع أقل ما اقدر اقول عنه انه "تحليه" جت بوقتها

عوافي تباري << يمديك على السجع

 

[•° Danah °•]

هههههههههههههههههههههههههههههههههههههههههههههههههه ههههههههههههههههههههههههههههههههههه

تباري انتي ارهب وحده

هههههههههههههههههههههههههههههههههههههههههههههههههه ههههههههههههههههههههههه
تدرين عاد المواضيع الي قريتها بتسعه تنعد على الاصابع

موضوعك من أكثر المواضيع الي شدتني
واضحكتني
تسلملنا اناملك

 

[♥ Manolito ♥]

يقلع جوك يالمواصله

كويس انتي جريئه ونزلتيه غيرك يكتب همن يضغط اكس ههههههههههههه < موب انا

طبعا جدتي طقت الشلحه القطن وتسلقت على السرير وطفت الماطور ونآمت..

ههههههههههههههههههههههههههههههههههههههههههههههههه
لاتنسين خط البلده هههههههههههههههههههههههههههههههههههههه

يعطيك العافيه بجد يابطله

واكيد للذهب بعد اكتمال الردود

< على كيفي ههههههههههههههههههههههههه

 

[البســــوس]

فيه عرق بداخلي يقوول استحي على وجهك وش هالامنيه اللي مالها حل...الا تعرسين..

خخخخخخخخخخخخخ ونسبة انك تعرسين 10% ونسبة انك بتعنسين 90 % يني ماراح تحققي حلمك ابد

واجي ذاك اليوم وهي مسفهله وتردد ااغنيه سلامه العبدالله..مدري حجاب المهم انه واحدن من جيلها اللي ماله حل..

وشفيه سلامه العبدالله
تراه من مواخيذنا لاتجيبين طاريه
يكفي اغنية ياعلي صحت بالصووووت الرفيييييييييييييييييييييع يامره لاا مينبمبنبتنيتتنشبتن >> نسيت الباقي

قلت ياجده اسمعي وبدون مقدمات تراي ابنام عندتس اليوم..
قالت وشوله قلت عاد ابنام وبس..وترى اسمعي انتي تبي تنامين على الارض..

هههههههههههههههههههههههههههههههههههههههههههههههههه هههههههههه على تبن ان كان هذا غرضك الشريف

طبعا جدتي طقت الشلحه القطن

ماذكر كان فيه نايلون على عهدنا يومنا في ربيع العمر كانت نايلو ولون واحد بس خخخخخخخخخخخخخخخخخ

لوهله حسيت كني نايمه جنب بيت طين موب جنب جدتي..

وينكم ساكنين وابجي اتعرف على جدتك واخليها تسجل في الحاير وتقرا وشنتي كاتبه ياقليلة الخاتمه

شي غريب ان الواحد ينام جنب عجووز شعور جميل يحسسك انك قديم ومغبر..

احس انك تسبيني انا موب جدتك

قلت الله يقطع بليسك خوفتني الله يرحمك ..

هههههههههههههههههههههههههههههههههههههههههههههههههه هههههههههههههههه


مساكين ذا الشيبان دام انتي جيتي في طريقهم
زاحمتي العجوز ولاهنيتيها بالسرير وهي حيه ومارحمتي الميت
وحنا يالحايريين الي بندفع الثمن خخخخخخخخخخخخخخخ

تباري انا نفسي انام على سرير نفر واحد بسسسسسسس تبادليني انا سريري كنق سايز دورين ومااابيه



كومبلي لاتجيبي طاري خط البلده
لاتجيبين طاري شي ماجربتيه
انتي لو تجربيه ماتفصخينه
قال تطنز على خط البلده قال


قمم مغير الصوره وشوله
كانت لايقه عليك ههههههههههههههههههههه


موضوع لذيييييييييييييييييييييييييذ بقوووووووووووه هههههههه
يالله اجعلها فاتحت خير
تباري الساااااس وقسم بالله اقرا واضحك والي حولي يتفرجون ويشكرون ربهم على نعمة العقل

 

[♥ Manolito ♥]

^
وانا وش قايله

هههههههههههههههههههههههههههههههههههههههههههههههههه هه

هههههههههههههههههههههههههههههههههههههههههههههههههه ههه

البسوس خلي قمم في حاله ولاتشتشتين <

 

[البســــوس]

^
^

 

[تباري السآس]

يالله ان تحييهم كلهم...

من صغيرهم لكبيرهم..

الردود اثلجت صدري والله ..

اجل اصلح اصير كاتبه تسعاويه...

قمم..

ياخي عاد لاتدقق واجد..يكفي انها اول مره ومواصله تراني..

غمض غمض لاتشوف الاخطاء المطبعيه..


جوري..


مشكوره على التثبيت

تدرين عقب ذيك الليله قلت لها كم مره خليني انام عندك قالت لا انتي لجه وصجه..

المشكله انها تسحبها نومه لين الفجر..مدري وين معه صجيتها..



القرصان..

الله يحلي ايامك..


•° Danah °•

هلا وغلا منوره ياعسل..

تسلمين كلك ذوق..



™ C o m p L i ●

هههههههههههههههههههههههههههههههههههههههههههه

شفتي الواحد اذا واصل يفصل بقوووة..وهذا اللي طلع معي بوقت الفصله..


البسوس..

احلى يانصيرة الشياب..

لا من زين الطبايع وسعة الوجه قعدت اقراها عليها اليوم العصر..

وانا اقرا قسم ميته ضحك وتغطي وجهها بشيلتها تقول ياخزياه فشلت..

بغيت اقووولها معليش وش تحسين به..

ترى جدتي ديموقراطيه..وزاحفه طالعه علي..

بس قلت تراني قلت شي مهوب فيك..حلليني قالت ابد محللك<<هي وجدتها فاصلين

 

[مدينة العطر]

تصدقي موضوعك خلاني افكر في شغله فاتت علي انا مااذكر إني قد نمت جنب جده من

جداتي الله يطول بعمر كل الناس يارب وانا منهم وعادي ترى انام بالارض ولا بالشارع

مايهمني المهم مااموت إلا وعمري صاك ال200 سنه يارب

تباري والله إنك قويه ....واقوى مماتوقعت اجل موضوع تسعاوي حته وحده

بس والله الموضوع فيه فكره ولا الباقي يجي حبه حبه المهم البذره إذا فيه بذره

اكيد فيه جني ثمار ومحصول زراعي وصناديق بردقان وكيوي وطمام .....

المهم لاتصيرين قطوعه إستمري وثابري ناظلي من اجل صندوق

 

[تباري السآس]

مدينـــــــــــــــــــه..

هلا بالعطر..هلا بباريس..

هلا بالحاضر والمستقبل بس بدون طيحات..

شوفي انا يوم اعتمدت الموضوع بغيت اصيح..

قلت ليه ليه ياتباري تهورتي..وحطيتي موضوع بتسعه..

بس انتم ماقصرتوا بردودكم..

لكن اتمنى من التسعاويين..يجون يقيموني..والا اقلب وجهي عن تسعه..

 

[تيرلللللللللللي 2]

المشاركة الأصلية كتبت بواسطة تباري السآس

من يوم كنت صغيره وانا اتمنى انام في سرير كبير ذاك حق المتزوجين

وش معنى.. .بتلعبين فيه كوره مثلا

تدرين وش أمنيتي وأنا صوغننه ومستمره معي للحين يكون عندي حصان أبيض.. ناصع البياض

.فكرت في سرير امي وابوي بس ماش..عيب

الجود بالموجود

بس فعلا يوم نمت جنبها حسيت اني بنات منول..
حسيت اني مؤدبه وسنعه واحتري الصبح اروح اصلح فطور حنيني ومدري وشو..
من كثر ماانا داخله جو..

يلعن بليسك عايشه الوضع...ههههههه

واشوف ذاك الشايب يمشي على اطراف اصابعه.. مقبلن علينا من الجهه اللي لمي....

كنتي تفكرين فيه هع هع






تباري دوزو

 

[غموض]

,
,
,

قلت اتركها كم يوم لين تروح الطفه مدري الطفره اللي فيها..همن ابدى اتلزق فيها..

اثرنك مصلحجيه

طبعا جدتي طقت الشلحه القطن وتسلقت على السرير وطفت الماطور ونآمت..

بوال ولا قطن
هذي هي الشلحه الي بنصمم انا وجوري منها فستان لكومبلي لعرس اختها
اجل طفت الماطور هاه

بس فعلا يوم نمت جنبها حسيت اني بنات منول..
لوهله حسيت كني نايمه جنب بيت طين موب جنب جدتي..
فيه ريحة عبق الماضي وريحه تراب جايه مويه..اقووولكم ابد كني نايمه جنب بيت طين..
شي غريب ان الواحد ينام جنب عجووز شعور جميل يحسسك انك قديم ومغبر..

واضح انك فاااااصله وبذمه
انتي نايمة جنبها تبين تجربين السرير ولا تشمشمين جدتك

قلت الله يقطع بليسك خوفتني الله يرحمك ..

هههههههههههههههههههههههههههههههه

قلت وش جايبك في ذا الوقت..؟؟

ضاااق صدرها
بعد هو الله يهديه عليه توقيت
ما لقى يجي إلا يوم بغيتي تحققين امنيتك
لا وكل هالحوار وهي منسدحه

قلت احلى يالسديراوي تنام فيذا اجل..يله يله رح الله يرحمك وبلا قلة ادب..

سديراوي << موب لجدك لأهل سدير
ما خبرت السديراوي رومانسي حتى وهو ميت

لابوتس لابو اللي علمتس تتمنين امنية وتحققينها في سرير عجوز...رجلها ميت ويجي عندها في الليل لاتستاحش..
لابوتس لابو ابوتس يومنتس مسويتن نفستس مثل بنات افلام كرتون تحلمين بالشي وتحققينه..

شانت الأخلاق وفكت الفصله

تباري يعطيك العافيه
انا ماني تسعاويه عشان اقول رأيي
لكنها قصه حلووه وخفيفه زي راعيتها
الى الأمام بإذن الله

 

[النشبه]

ايقونه الشاب اللطيف ناسفن شماغه بيطلع...من العنبر..>>بما انه اخر واحد حط موضوع.

تغطيت عاد انا خفت اني اغويه...قلت اطلع الله يعافيك بحط موضوع..


مايصلح تقعد بعدين يشغلونا يقولون خلوه غير شرعيه..


ماتسوى عليك يجي جمس الهيئه يضفك..


انا بطلع منها وانت اللي بتنجلد عند الجامع يوم الجمعه..


قسم تسان الجدار رادن علي فهو راد..

ههههههههههههههههههههههههههههههههههههههههههههه

فاصله فاصله

لعنبوا ابليسس على اي زمان هذا اللي كانوا يجلدونهم عند الجامع اذا صار خلوه

والا ريحة الطين المبلوول مأثره عليتس

من يوم كنت صغيره وانا اتمنى انام في سرير كبير ذاك حق المتزوجين اللي يصير مزدوج..>>يلعن ام الوصف

عاد كبرت معي الامنيه ..مع مرور الزمن..فكرت في سرير امي وابوي بس ماش..عيب

نفس الامنيه هههههههههههههههههههههههههههههههههه بس انا حققتها بعد ما تزوجوا اخواتي كلهم وفضت لي الغرررفه .. وحصلت على اللي ابيه << ايقونه تفرك الابهام والسبابه ببعض وتقوول حرّرررره مووتي حرّررره حققت امنيتي وانتي لااا

واجي ذاك اليوم وهي مسفهله وتردد ااغنيه سلامه العبدالله..مدري حجاب المهم انه واحدن من جيلها اللي ماله حل..


قلت ياجده اسمعي وبدون مقدمات تراي ابنام عندتس اليوم..


قالت وشوله قلت عاد ابنام وبس..وترى اسمعي انتي تبي تنامين على الارض..


قالت منهو بامره تبي تنامين تعالي في جنبي والا نومي على الارض..

تبين تقهريني يعني ان عندتس جده وانا لااا


يختي هذي الامنيه الوحيده اللي اتمناها بالصغر والكبر ولا يمكن تتحقق ... ابي جـده

حسيت اني مؤدبه وسنعه واحتري الصبح اروح اصلح فطور حنيني ومدري وشو..

من كثر ماانا داخله جو..

لوهله حسيت كني نايمه جنب بيت طين موب جنب جدتي..

فيه ريحة عبق الماضي وريحه تراب جايه مويه..اقووولكم ابد كني نايمه جنب بيت طين..

شي غريب ان الواحد ينام جنب عجووز شعور جميل يحسسك انك قديم ومغبر..

هههههههههههههههههههههههههههههههههههههههههههههههههه هههههههههههههه

هلا بالقديمه المغبره اجل ريحة تراب جايه مويه هههههههههههههههههههههههههههههه

يا شيخه لا تذكريني بالذي مضى حسيت اني انا جدتس

لكن لاتسوين فيها بريئه وتصارخين وتقومين بيت الطين اللي جنبك..

ههههههههههههههههههههههههههههه حرام عليتس ولا قاريتها على جدتس يا عيباااه والله لو اني منها ان كان بالعصا على راستس

تباري والله إنك قويه ....واقوى مماتوقعت اجل موضوع تسعاوي حته وحده

مشكلة الساكت ساكت ساكت و فجأه ينطق عاد مدري وش بعد انتم كملوا
لا صدق تباري يوم ابدعت وقررت تسوي موضوع طمرت لتسعه ماشاء الله تبارك الله


تباري سلمي لي على جدتس وحبي راسها وقولي لها تقولتس النشبه بجي ارقد عندتس اسبوع موافقه والا لا << حشا بتتزوجينها .. وتبشر باللي تبيه الا الجريش عااد لا تطلبه مني همن اتوهق << مصدقه البنت


عوافي يا بت

 

[العبقري]

الجو هدووووء مااسمع الا شخير خفيف<<ماودها تسب جدتها..

ههههههههههههههههههههه , ايه انتبهي والا تجيك بالعصاا

جدتي يمكن لكن انا لا مابعد اعرست علشان تصير محرمي..>>فاهمه ان المحرم بس الزوج

هههههههههههههههههههههههههههههههههههههههه ,,

بديت اسمع زقزقه العصافير..واصوات بواري السيارات ..قلت بس جاء الصبح..

والله فرررق زقزقة وبواري

هههههههه ’,’ لو زقزقة وموااء البساس يمكن


ابتسمت كثييرا

يجي يجي منك ,,~ يعطيك العاافية

 

[تباري السآس]

معليش بس توضيح بخصوص الاسئله بالفورم..,,

او التلميحات..اني ممكن اكون..

عضو قديم وداخل بيوزر ثاني,,,

واللي حدد بعض الاسماء بعد

اقووووولكم..


وش تحسووون به...؟؟



تخيلوا اصير واحد من الاعضاء القدام..<<لحسة مخ

 

[BRAZILIA]

والله اهنييك ع السرد الشيق

بس يختي تعالي على جنب بقول لك شي



ماخفتي مررره يوم طلع لك الشبح حق جدك لو انا كان انجلطت جنب بيت الطين


قصه بطله من جد اتحفتيني بس ياليت تصورين لنا شلحة جدتك ودي اشوفها
العنبر العائلي مالهم سيره غيرها





وعوافي

 

[مدينة العطر]

وانا اقرا قسم ميته ضحك وتغطي وجهها بشيلتها تقول ياخزياه فشلت.

اتخيل فلسفه بنت الجلاده تحكي لامي عن شي كتبته في النت اتوقع امي ساعتها على إنها حنونه

تغتالها بدم بارد ...على كثر ماتكره النت وكل ماله علاقه بالكومبيوتر

تقول هذا مرض الله يشفينا ولايبتلينا ...يبيلنا نعرف امي على جدتك

بس ترى امي مو عجوز وشغلات شيل وحركات ....هذي إللي يقول عنها الشاعر

في البدء كانت.. فاطمه* وبعدها تكونت عناصر الاشياء

الارض والسماء ..

الماء والهواء ..

وبعدها لألف عام ..

جاءت بقية النساء..

على فكره هذا مهوب اسم امي

يمكن الشاعر كاتب القصيده في ام بياله فطيمتا العلي

 

[تباري السآس]

تيرلللللللي..

ترى احلام الطفوله تتعبين تمحينها انا في خاطري هالشيء ..

وشوفي وش كثر اللي عندهم نفس الامنيه...

عقبال ماتلقين الحصان الابيض

غموض..

يعني الرومانسيه موب موجوده عند رجال سدير..ياويلك منهم..

تدرين جدتي صايره كنها صديقتي..

انواع الفله معها الله يخليها لي..

النشبه..

مشكلة الساكت ساكت ساكت و فجأه ينطق عاد مدري وش بعد انتم كملوا
لا صدق تباري يوم ابدعت وقررت تسوي موضوع طمرت لتسعه ماشاء الله تبارك الله

قمة التهور..بس عدت على خير..

تبين جده..؟؟خوذي جدتي تسلفيها عادي..

بقولها فيه ناس يبون سلف جده..تبين تروحين لهم..

العبقري..

حياك اخوي..منور..

BRAZILIA

هلا وغلا..

ترى القصه ثلاثة ارباعها خيال..الحقيقي فيها جدتي والسرير ونومتي عندها..

ترى خلاص اتفقنا كومبلي بنسميها ام شلحه..

جدتي سوت شهره للشلحه..

مدينه العطر..

ههههههههههههههههههههههههههههههههههههههههههه

زي ماقلت لك جدتي ديموقراطيه عادي تعاصر الاجيال..ماشاءالله عليها

 

[النشبه]

بقولها فيه ناس يبون سلف جده..تبين تروحين لهم..

لاااااااااااااااااااا

قولي فيه نااس محتاجين جده ويبون يجون عندك وش ابي فيها تجي عندنا << خربت الاخلاق

انا ابي احس بنفس الاحساس اللي يحسون فيه عيال اخواتي وايضا وصل الداء لعيال اخواني .... اذا هذا ضفوا عفشهم وقالوا نبي ننام عند امي وفي روايه القصمان عند جديده


مدينه

شوفي ترى السديراويات وش حليلهن وبالذات عجزهن

صح امي تسب وتلعن بالنت واللي طلع الكمبيوترات بس لو بقولها سالفه مضحكه بتضحك وتعللق عليها وما تخلي احد ما تعلمه بالسالفه ..

شوفي سالفة وحده من صديقاتي نفس النمونه {سديراويه} لبى قلبها والله يسعدها

تخيلي تقول لجدتها يا امي وش تبين من الدنيا ؟ << ( والله انها ما تستحي على وجهها هي وهالسؤال واتوقع فيها كثيـــــــــــــــــــــــــــــــــــــــــــــــ ــــــــــــر من بثارة تباري .. امزح امزح منتي ببثره

صح ان الجده نهرتها بالاول وقالت وش قلتي ... بس على طول لطفت الجووو وقامت تسولف مع البنت




تباري ياليت كل يوم تسهرين وياليت كل يوم تنامين جنب بيت الطين :)

 

[غموض]

يعني الرومانسيه موب موجوده عند رجال سدير..ياويلك منهم..

تدرين جدتي صايره كنها صديقتي..

انواع الفله معها الله يخليها لي..

لا موب قايلين لي شي

لأنهم راس مالي
الله يخليها يحفظها لكم من كل شر
امطخي لي راسها وقولي لها هذي من غموض
وان قالت من غموض
قولي الي تبي تفصل فستان لكومبلي من شلحتس

 

[مدينة العطر]

والله ياذا الشلحه عطتني إنطباع إنها مثل منديل ام كلثوم يوم حطوه بالمزاد وصل سعره مليون جنيه

حطيها بالعايلي وحنا نحكم على جدتك من شلحتها أنواع الفله ولا جده جده صدق ..

عاد انا ماقد خبرت جداتي يلبسون شلحات بالعكس عندنا حركات الكهيل ثوبين فوق بعض

ولازم الثوب إللي تحت يكون له جيب لزوم حطت المنديل واللبانه المصروره في منديل والمسواك

 

[النشبه]

88

8

معليش بتلقف


لا الشلحه غالبا ان ما خاب ظني تصير يا من قطن او الروز علشان تصير بارده وتبرد عليهم ويستعملنها غالبا اصحاب البشرات الحساسه ..

واللي تحسين انها كيوت ونعومه تصير لون شلحتها حمرااا يعني انواع الاغراء

والجيب لازم يكون بالشلحه غالبا ان ما كان الجيب مخيوط داخل الثوب علشان الفلوس والحركات هذي :)

ننتظر رد تباري وونشوف وش تقول عن الشلحه

 

[تيرلللللللللللي 2]

\/
تفقشين واجد بالنشبه ههههههههههههههه

الشلحه يالصلاخه> حل قديم وفعال للكهربه في المقطع وعشان يطلع عاللبس شيك وبرضو عشان ماتبين سيقانك من وراه >>الله يسلم البخاخ هاللحين

 

[النشبه]

8

وخري مناك بس

الشلحه القطن غالبا تلبس للبحث عن البراد الطبيعي بدون تدخل مكيفات والذي منو .. والا ليش جدة تباري طقت الشحله ونامت


اذا عندك عجوز أسأليها عن شلحه القطن الحمرا


يالله انقلعي عن وجهي << صالت العبده