فـي بـيـتـنـا " عـروس "

[♥ Manolito ♥]

المشاركة الأصلية كتبت بواسطة مدينة العطر

اخيراً قريته

المواضيع هذي يبيلها روقان وراحة بال حتى نتشربها وتنعشنا

سردك روعه وفيه سلاسه بعيده عن التكلف ....

اما العرس فهم يقولون لاهم إلا هم العرس ولا وجع إلا وجع الضرس ...

ذكرتيني بزواج الجلاده وحوستي ذاك اليوم .....وفستاني ابو جيبون وتهزيئة ابوي لي قدام المعازيم في القاعه

عمرك سمعتي عن ابو يصر يصور المعاريس هذا ابوي ....

طلع على المنصه طلبي مني الكاميرا طلعت عطيته أياها بعدين إكتشفت إني أصلاً اتغطى عن زوج اختي

ومن اللخمه طلعت قدامه

استغفر الله بسسسسسسسسسسسس

ومره بزواج اخو زوجي طلعت على المنصه وحسيتها تزحلق عاد قعد انبههم ترو المنصه تزحلق لاتطيحون

قدام العالم توني اخلص كلامي نزلت وتزحلقت قدامهم من اول المنصه لاخر درجه



انا سويتها بزواج اخوي قومت حرمته من على الكرسي اخذت مسكتها وتصورت مكانها

ووقت الزفه نطيت جلست بينهم في الكوشه ....هذا وانا متزوجه وعندي عيلين

الرقص الحمدلله الذي عافاني ولم يبتليني ..مااعرف ارقص بتاتاً البته

أنا حدي صحن الحلا والمعجنات والشاي القهوه بسسس

على فكره راجعه لك بكره .....إنشاءالله

منوله الجميله ...لو كنت حضرت عرسكم كان ماتجرأتي وكتبتي الجميله ....كنتي عرفتي الجمال الحقيقي

أنا ومن بعدي الطوفان

هههههههههههههههههههههههههههههههههههههههههههههههههه ه

مدينة والله ياضحكت ضحكت لين عطشت منك لله ياشيخه هههههههههههههه
الله يوسع صدرك بالعافية

جا بكره ولا رجعتي كل الموأأأعــيد وهــم <

^^ لولا اختلاف الاذواق لبارت السلع وترى بكره الفطور عندنا قولي تم

 

[مدينة العطر]

على طاري لاهم إلا هم العرس ولا وجع إلا وجع الضرس

حضرنا في الباحه زواج إخت زوج إختي وأمها من يوم بدا العرس وهي ياحرام حزينه وشكلها تعبانه ومهدوده مره

اليوم الثاني جت إختي تقول عمتي أم زوجي مرقده في المستشفى عندها إلتهاب شديد تحت الظرس ولازم يخلعوه

وهذا إللي خلاها يوم العرس تعبانه مسكينه .......يعني هم عرس ووجع ضرس

 

[♥ Manolito ♥]

المشاركة الأصلية كتبت بواسطة قـايـد

منولة قسما بالله اني قبل ما ادخل موضوعك كنت قاعدة اقرى في كتاب ومر علي المقطع:

" ومازلنا نرى بطاقات دعوات الزواج عندنا تداري ذكر اسم العروسة, وفي يوم فرحها الاكبر ليست الفتاة الا كريمة رجل و عقيلة آخر , بل ان التعبير اللغوي الافصح هو أن تقول: العروس, و ليست العروسة, حسب قوانين النحو الذكوري المتعالي على تاءالتأنيث, في سلب ثقافي للقيمة اللغوية للذات المؤنثة, و ليس للأنثى وجود لغوي حتى في أخطر يوم في وجودها الحياتي, وهو يوم زواجها حيث تكون بلا اسم صريح, و يستهجن عليها تأء التأنيث, حيث يكون اللحن الثقافي".



فيا حبذا تعلمينا انكم حطيتوا اسم العروسة على الكرت ولا لا

خر عهدي بالافراح كان فرح خالي لما فستان خالتي انشق من النص و هي ترقص

بس رحمة ربك ان البطانة كانت شوي طويلة و غطت العورة و لا كان علوووووووووم ههههههههههههه و عاد خالتي برطيلة ههههههه

اما في فرح اخوي اعلنها صريحة كما فعلتُ من قبلُ

فصّخت حذائي اللذي صمم خصيصاً لافتعال جلطات متعددة في ساقاي العاجيتان و متّرت صالة الفرح حافية القدمين

ومن زين الطبايع لما جا وقت التصوير دخلت على المعاريس و انا جزمة بيدي اليمين و جزمة باليسار و اخوي يقهقه و باس راسي سلامة راسه

و تصورت معاه هو و زوجته الهلعة و انا جنبهم عقلة اصبع

طبعا انا مفصخة الجزمة من الانتفاخات و هي مفصخة جزمتها عشان لا تطلع اطول منه

و قلت من قبل بعد عن العروسة اللتي اقتحمت فرحنا الميمون و لا درينا عنها ههههه

ولا عن حضرتي اللي لما انتهى التصوير و بغيت ارجع للحريم و درعمت بالسيب الا و اخو العروسة الصغير قدامي

هو صح اني استعلي عليه بحكم فارق السن (( سنتين و يخب ))

بس و لو طاح وجهي و حسيت ان ابوي وده يكفخه ليه داخل الشيخ

والله وانا اختك مهوب حنا اللي مسوين الكروت
ف كان كرت الحريم ام فلان وام فلان بس

هههههههههههههههههههههههههه ياشيخه انا مدري ليه نعاقب عمرنا ونلبس شي مايصلح لنا
يعني وش فيها لو لبسنا شحاطات مزكرشه بدال الكعب <-- منال ذات طموح خخخخ

نورتي ياستي وخلي الراقل يعيش ويدخل على كيفه الله !

 

[♥ Manolito ♥]

المشاركة الأصلية كتبت بواسطة $ جـــوري $

والله والله كنت برد قبل رسالتك ..

بس خبرك كل مره اقرا شوي ..

الله يوفق اختك يارب .. وعقبالك شئتي ام ابيتي ..

اما هيوانه ههههههههههههههههههه تمون الاخت ..
اخت العروسه ووش انا عند روحي اخر شي يستقبلوني بـ هيوانه ..

بعدين الشد العضلي طبيعي الرقصه الاولى ..
اشوا ماطلعتي راعية وسوسه ..

شوفي على انه هالاشياءات تعب قبل واثناء وبعد ..
بس مافيه زي التعب اثناء المناسبه ..
لازم تشتغلين وتمشين وتتحركين بلبس متعب وجزمه متعبه ولازم الابتسامة شاقة وجهك عشان تطلعين على شكل "منيب تعبانه" ..
خصوصا اذا صرتي ماتعرفين للكعب العالي ..
مع اني الفتره الاخيره صرت اتعمد الفستان يكون اطول مايكون عشان اسوي حركة قايد بدون محد يحس ..
صح اني بعدين اذا فكرت اقول ياربي وشلون مشيت على ارضية الصالة حافيه ..
بس ساعتها والله ماافكر ..

انا اقول المفروض يطلعون قرار اللي بيشتغل يلبس فلات واللي بيلبس عالي ممنوع يشتغل << منهم اللي يطلعون ؟؟


خخخخخخخخخخخخخخخخخخخ مشهد عيا يروح ..

بزر ازين من حرمه فجأه تقوم تخطم بين المصوره والعروسه مدري وش عندها الظاهر بتسلم على وحده شافتها بالشنق الثاني ..

ياملح سوالفك .. واشوا الموضوع جا هنا نعبر عن مشاعرنا ..

باقي صورة الفستان عاد ..

والله ياختي اني ماودي اعرس فكوني عمركم شفتوآ وحده ماتبي تعرس تراها انا

والله انا كنت متوعدتها بعد ماتخلص الزفه على اساس ينتهي الزواج بعد كذا ومنه نسوي اكشن بس ياحسافة نسيت الامر

ههههههههههههههههههههههههههههههه جوري ملحن يملحك

تحسسوني ان فستاني مصمم خصيصا لي من إيلي صعب

بس مابردك وبصوره بس لما يجي كامي الحبيب

 

[♥ Manolito ♥]

المشاركة الأصلية كتبت بواسطة بتول

الله حركاتي ذي



الله وناسه
أبعرس اختي قبلي أجل < على كيفك



أشوا أنك قايله عشان مافكر أجرب البسه أيه وتراني من هذولا اللي مايعرفون يرقصون ولا يفكرون اصلا , وغير هذا مالي أي داعي هنا < إنسانه تسمع بالزواجات والحفلات بس




ماهذا



ماشاء الله كني بها هالأجواء وناسه



ههههههههههههه عادي فاصل ونواصل




عادي حطيها في الديوانية وكان به وليدن جا فأثمك عليه وله < احلفي


يختي صادقة برازيليا اسلوبك في السرد مجنون ههههههههههه , فرفشتينا وادخلتِ السرور إلى قلوبنا < جابت عنبر الأدب هنا

ايه وتعالي : هاك هذا معك ورديه لي إذا رجعتِ وإن مارجعتي فأعرفي أنه معك
[/color]

رجعت بس مانيب مرجعته <-- عرق نذاله

زفة العصير ياطويلة العمر هذي اغنية يشغلونها يوم يجي وقت العصير < بالله !

اصلا بيني وبينك ماشوف لها اي داعي خصوصا في مجتمعنا الراقي مجتمع مايحب المظاهر ولا التبذير ولا الاسراف

اما احط صوري عشان اخذ اثمكم طيب تعالي يمين شوي واوريك اياها

نورتي ياحلوه ويسلم راسك ياشيخه

 

[♥ Manolito ♥]

المشاركة الأصلية كتبت بواسطة Hope

منال ايدك على مية ريال لاني قريت الموضوع >> لابغيتي تذبحيني قولي اقري موضوع بدون صور

ههههههههههههه امزح معك صحيح اني ما احب المواضيع المقالية بس لعيونك بس ولاتنسي تجيبي لي صحن مسحب




ليه لاطشة توبكي


مبروك الف مبروك للعروس

والله ياهي حوسة مابعدها حوسة اتذكر اخواتي جابوا لنا الصمرقع صرت ما انام ومعي قلق

اذكر نوتة الطقاقات خخخخخخخخخخخ واسعارهم



ههههههههههههههههههههههههه

يختي ليه دايم العمات نجسات

اذكر عندي 3 عمات ولا وحدة منهم ساعدتنا

على قولتك بين الضيوف كأنهم تماثيل حتى ابتسامه ولا تصفيقة ماتفاعلوا بالحفل

تقولين ميت لهم أحد

خلي خالات حاقدين علينا عشان ماخطبنا من بناتهم فماحد ساعدنا

اووف على هيك ناس

والله مايساعد الواحد الا اصحابه وجيرانه خل الاقارب عقارب

اذكر لفينا كم سوق بس عشان نلاقي برووش لأختي عشان تركبه في فستان زواجها

قلت كان جبتي لي كرتاله ونحتها كان اوفر من طق هالمشاوير

انا اكره لفلفة الاسواق

خاصه اذا كنتي مع ناس مايعجبهم العجب

قد قلتها لامي من قبل خواتي ماحد يروح معهم السوق

بس من جد لفة السوق تستفيدي منها تعرفي كل جديد

الله يرحم حالنا انا واخوي اخذني معه نشتري عطور لخطيبته عشان الملكة دخلنا فيسز وطلعنا ابو كل عطور المحل وبعدين أذن صلاه العشاء وقلنا بنرجع لك بعد الصلاه عشان نبي ميك اب بعد

قفلوا المحل من هنا وحطينا رجولنا من هنا

من جد حوسة الزواج حوسة هههههههههههههههههههههههههه

مت ضحك على ياهيوانه خخخخخخخخخخخخخخخخخخخخخخ

ايه صح الاعصاب تكون مرة مشدووووووووووودة وتأكل كلام لليل

المشكلة لاقعدتي عند الباب تستقبلين ياشيخه تتعبين تسلمي وركبك تطقطق من كثر الوقوف والجلوس



البلشه اذا ماكنتي تعرفي ترقصي لا انتي ولا خواتك مين بيرقص !!

انا قلت في زواجي باستأجر لي رقاصات

وراتس ماعزمتيني كان اجي اشوف الفرقة



دا سعد الصغير يرقص اللي مايرقص خخخخخخخخخخخخخخخخخخخخخخخخخخ

بالله ابي الزفة عشان عرس اخواني

اذكر اختي الكبيرة يوم تزوجت قلبت العمارة كلها مناحة

حتى اخواني يبكون

يالبيه بس

بعد سويتوا عشا بالاستراحه ماعندك سالفة طيب اعزميني تراني فاضية واحتري عزومة

هههههههههههههههههههههههههههه

موضوع مرة حلووو يثير مشاعر قديمة اندفنت مع زواج الاخوات

الحين صاروا يجونك بعيالهم

والدنيا تستمر

يسلمووا منالووه على هالموضوع

لي عودة لقراءة بقية الردود

يالله قريت الموضوع وباخذ بريك عندي مشوار

احد قالك اني اوزع شرهات عند باب العنبر العايلي ؟

بعدين انا حدي طفرانه هههههههههههههههه عطيني ميه انتي عشاني برد عليك

ياختي انا قايله الرد مهوب بلاش اجل مسحب اللهم اني صايمه

الله يبارك بعمرك وعقبالك ^^

بالله لاتحشين ابي اكمل صومي لافطرت ممكن ارجع اكمل حش معك

تبين الزفه بس شسمه تراها حقت عروسه مهوب عريس

عموما احملها قريب وتصير بين يدينكم

نورتي يابطله

 

[♥ Manolito ♥]

مدينة راجعه لك بس بعد الفطور تعبت وانا اكتب حسيت بعطش <--

 

[♥ Manolito ♥]

المشاركة الأصلية كتبت بواسطة ra7al

الحمد لله انتهى كل شي على خير : )

رحمتك كل شي عليك احنا خمس ووالله حايسه بزواج سنو المعفنه

الله يكتب لها التوفيق

اي والله الحمد لله والشكر بعد

الله يعينكم ويتمم لها على خير ^^

امين وياكم

المشاركة الأصلية كتبت بواسطة تيرلللللللللللي 2

ليش أحس أن اختك هي الكبيره ...الكبيره دايم الضحيه...!


وااااااه....يازواجات اهل الحجاز.... لها طعم ثاني

ناندي مازفيتوها الزفه الحجازيه .. .




الله يسعدها..وعقبالك ياكومبلي

اهلين , ياختي اول شي هي مهيب الكبيره ترى بعدين لازم تكون الضحية عشان تفتح لنا مجالات اوسع وكذا يعني حنا بعائلتنا بمعنى ادق عماني وخوالي مايعرفون شي اسمه ملكه بتاتا البته يعني تنصدم بزوجها في يوم الزواج ف كانت شي قوي جدا انه اختي تسوي ملكة لدرجة خالتي خطبها واحد ف اصرت الا تبي ملكه عاد مدري هي الشغله تقليد وفلانه مهيب احسن من فلانه الله اعلم ومير على طاري فلانه احسن من فلانه ومدري كيف وقسما بالله اني احزن كثير لحال البنيات هالايام , انا اذكر كانوآ يسألوني اختك كم مهرها ف كنت اقولهم وانا على نياتي والله 40 واثر الدعوه ان فلانه اذا قل سعر مهرها قدرها قليل والله مدري وين معه يفهمون او يفكرون يعني ولله الحمد صح ان ال 40 ماتكفي في هالزمن بس المقصد من الزواج مهوب فلوس وانا اختكم يعني ياما ناس مهورهم مبلغ وقدره لكن مهيب سعيده ولا مرتاحه ويمكن بعضهم 6 شهور ومطلقها زوجها ولله الحمد والمنه اختي مرتاحه ومبسوطه مع زوجها ماوراهم هموم الديون ولا اي شي ثاني والله يسعدهم دوم تحسون اني خشيت على موضوع ثاني سوري تحمست هههههههههههههههه ..


تيرلي سالفة ان زواجات الحجاز لها طعم ثاني انا اشهد بس والله وانا اختك مانقرب للحجازيين ابد اللهم اننا ساكنين جنبهم بس يعني انا لي كم سنه ليست بقريبة عايشه بجده ولله الحمد والمنه ماذكر اني تكلمت حجازي الا مره وحده والسبب اني كنت في مستشفى والدكتور حجازي ف كان صعب اني اتكلم معه بلهجتي الطبيعيه ههههههههههه انا افهم كل اللغات واللهجات على فكرة <-- وش نزين لك يعني


اللهم امين وإياك بس تكفون فكوني من دعوة العرس حاليا

 

[♥ Manolito ♥]

المشاركة الأصلية كتبت بواسطة مرومه

ابرجع سنتين ورى .. و ابتكلم عن نفسي

الملكة كانت مختصرة جداً .. بس رجال اعمامي و خوالي و اهل المعرس .. و العصر بس
قهوة و شاهي

جاب لي ابوي الدفتر عشان اوقع و هو ينتفض لبى قليبه .. أول مرة اشوف ابوي كذا

وقعت ..

جلست شوي و جاء المعرس و سلم علي وأنا بحالة فهاوة .. مدري احس اني مب انا .. كأني بحلم ..
ما استوعبت و الله .. أحس اني ودي البس عباتي
و جا ابوه و سلم علي .. و أنا برضووووه مش مستوعبة
فتشت عن اثنين غريبين عني بيوم واحد !

وأنا بصراحة كنت باااردة ذيك الفترة و ما استعديت لا بعصير و لا بكيكة ..

مدري وش بلاني ذاك الوقت .. !!

المهم اكتشفت ان اخوي الكبير مجهز العصير و مجهز الكيكة ..

الله يخليه لي ابو جود

جابها لنا و حنا جالسين و احتفلنا احتفال بسيط .. و اخوي قاعد يصور بالفيديو .. يسجل اللحظات التاريخية ..


و خلص يوم الملكة ..



الزواج كان بعدها بشهرين ......


طلعا انا اكبر خواتي .. و اول وحده تتزوج في البيت ..

يعني شي غريب علينا كلنا .....

احس كل شي فوق راسي .....


ابكمل بعدين ...

زياد فوق راسي

ههههههههه شوفي انا ممكن اعدي لك كل شي الا انك تغلطين املائيا هذي مصيبة وقسما : frown: <-- غصب تدخلك جو الحزن

الله مير يهديك يازياد وراك ماخليت امك تكمل جعلك العرس ياختي كويس انه عندك احد ينقذك

وبعدين انا ابي اسئلك الحين زوجك سلمك عليك ولا انتي سلمتي عليه البادي طبعا لانه فيه فرق ههههههههههههههه

اختي والله جدا جدا حياويه تعرفين وش يعني حياويه يوم ملكتها ويوم دخل زوجها وكذا يتصور معها كان مفهي لابعد درجه لاهو اللي سلم ولا هو اللي جلس عاد هي تجرأت وباسته عاد دوروه المسيكين هههههههههههههههههههه

شوفي مانيب فاكتك لين تكملين تيت ياحلوه

 

[♥ Manolito ♥]

المشاركة الأصلية كتبت بواسطة زوايا

يآآه حاقة قميلة واللهِ -->شعندها فاتن حمامة ولا تقولين وش دخّل قلت لِك أول ردّ ههههههههه !
يا شيخَه حملتّيني همّ هالحين عندي أخت وأخ على شفا حفرة من الزوّاج .. وحايسين بفترة ما قبل الزواج لأخوي لأنه قال لأمي : دوروا لي ولا هوب راضي يعطينا ولا مواصفات يقول : أهم شيء مقفلة عالثانوي ولا هيب أولى كلية وعاد حوسي يا أمي وأختِي وأبشرك أختِي خريجة إم بي سي 4 وعندها دبلوم من عالم حوّاء وأمّي تحبّ المجد ودارسة أصول شريعة ههههههههههههههه وأنا بعدِي ثانوي وما أعجبنا أحد أبداً إلى الآن كل ما قالت أمي هذي قلنا لالالالالالالالا ولمن نقول لأمي هذي : تقول الله يخليها لأهلها بس تبطون ! ولمن أقول هذي وتؤيد أمي نورا تقول : من جدكم ؟ والعكس صحِيح تماماً .. وكما قالت أختي قبل يومين : الظاهر أخي العزيز مطوّل على حالة العزوبية هذِي .. إلا إذا توفت وحده من ثلاثتنا !

مالك بالطوّالة .. لكن حكايتِك هذِي رهيبة جدّ .. تنسين الشنطَة عاد وين صارت لا وإلا السلسال يا شيخه لفيه عـ قدام وروحي مراية الحمام وكلو يزبببببط !! -->ينقالي تمرّس
لا وحكاية أول رقصَة هذي إنتي تحكين معاناة شعب يا هذه .. أنا كرهت الرّقص ذا من بِعد ما اكتشفت إني ما أعرف أرقص إلا إذا الأخت أعلاه قدامي عالمنصة غيره تلاقِيني الأطرش + أعمى + أبكم في الزفة !
وترى لا تشكّين كثِير من نظام الزواجات ذا عالأٌقل الزواج ما يبدأ من 5 العصِر!!

الله يوفّق أختِك وعقبال ما تنزلين موضوع .. تهنئة بمولود أختي الجديد !
على فكرة حكاية الآيبود هذِي ما فهمتَها .. يعني هل هي تستعدّ نفسيّاً وإلا تسترخي وإلا وشو إكزاكلي ؟
وليه مخلينها لحالها وينهي الخدااامة تونسها ههههههه .،

عُؤبال عندِك وأول رقصة عليّ

تهانينا

هههههههههههههههههههه اقول يافاتن حمامه وش عقبال عندي ماعقبال اها بس مناك , والله شوفي اخوك ذا انا ابصم لك باظافري انه مهوب معرس لانه نظامه نفس نظام اخوي بس اخوي طالع لنا بحاجه جديده ابي بنت ماعندها اخوان عاد نقوله ليه يقول عشان لاطقيتها مايقولون لي اخوانها شي بالله ! ماخذ بنت الناس عشان تطق لابوك لابو اللي يسمع لك بس الايبود ياعزيزتي اشغله لها في غرفتها عشان تنبسط هي وسيد الحسن والجمال قوزها عرفتي نظام الملحجه ذا ولا لسه ههههههههه ؟
اصلا اصلا ابو زوجها كان بيسوي غدا وعشا بنفس الوقت يبي يحلل القاعه دامه مستاجرها يوم بس ان اختي قالت ان كانه غدا بيكون رجاجيل فقط والله عاد مدري وش نظامهم عني انا العرس مايبدأ الا الليل وينتهي الصبح

حياتس ياحلوة

 

[♥ Manolito ♥]

المشاركة الأصلية كتبت بواسطة ..:: هـــمـــس ::..

باك

عشت مع سوالفك ودي إنك مكمله بعد <<- لا ياشيخه

الزواج تصير فيه مواقف وسوالف تضحكين عليها بعدين ..

بس وقتها تلقين الكل متنرفز ومعصب

بس احمدي ربك ع الاقل حوستكم لزواج وحده

حنا كنا نجهز عروستين .. ييييع مره شين

لا واللي مشينها كنت 3 ثانوي ووزاره وبربسه

وازين شي زوجاتهم مابينها الا اسبوع خخخخخخخخخخخخ ,, يسمعون اهلي بتنسيق المواعيد

بس زوجاتنا مختصره جدن عشاء رجال يتكفل فيه المعرس والحريم بالبيت

بقولك عن زوجاتهم .. طبعا انا من النوع اللي يحب يسجل الذكريات احب اكتب الاشياء اللي زي كذا واي شي احسه ذكرى حلوه
فكاتبه مواقف الزواجين واللي صار بنوته عندي والحلو قروها خواتي يقولون كل ذا صار

طبعا بنقلكم بس مب كلش خخخخخخ <<- يقال تبي تقهركم

الاولى بالبيت حنا واهل المعرس وخالاتي بس وعماتي رايحين يحضرون عرس ولد عمتي كان كبير وطق وفله
طبعا فجر العرس نغسل الحوش انا واخوي خخخخخخخخخ
مانمنا الا كلش مرتب ومضبط نمت ع 7 وصحيت 10 ونص ماارتحت بالنومه
وصارت راعية الكوشه جايه تركبها وجلست عندها وبشوشتي وبجامتي واكتشفت بعدين انها سعوديه وتعرفنا .. حسبي الله على العدو بس
الظهر وصلت الكوافيرا من جده
وابتلشنا بااسلاكها الغرفه اللي مجهزينها لها 110 وهي تبي 220
وقعدنا نشيل عفوشها لغرفه جوا البيت واخواني مدري وش جاهم رايحين جايين
ولاانفتح الباب قالت لك شو هيدا احنا نسوان بنتحجب <<- يجيب الله مطر
تقول جدتي من زينها لابستن لي بنطلونن متكتكها ( بنطلون ضيق جداً ) ولابستن لي مزلط ونص ظهرها ظاهر ( لابسه بدي ) وتهاوش العرب بدارهم ( يعني تتلقف على اهل البيت )
طبعا زينت العروسه اول شي وجت صديقتها وتضبطت وجت تزيني بغت تمسك راسي وتصكه بالجدار تقولي ترمشين وتاففين كثير .. قلت غصب اهوجس ووراي مليون شغله
همس وين مفتاح غرفتس .. وخري معليش شفت الدرج .....الخ
همس وين ثوبي .. معليش دقيقه شفه معلق .....الخ
همس طاقيتي المشخله وين حطيتيها .. "صوت اخر" . نعنبو بليسك احد يلبس طاقيه مشخله .. مالك دخل ... شفها بدرج ......الخ
هميس وشلون يرتب فنجال حطي بصينيه كبير والا صغير .. معليش اذيتس اصبري بجيك5 دقايق بس
وعلى هالحال لين خلصت
لبست على المغرب وطلعت للحوش لقيت اهلي حاطينه كله فرشات بغيت اجلدهم وشوله اغسله وهم بيحطون فرشات .. عاد الحوش مهوب كبير ابد
بس طالع شكله يهبل مع الفرشات واللمبات الصفراء مره شي يهبل
طلعت ولقيت ولد خالي .. احم احم
واطب عليه ماعندي فيه ابد
وجع همس ماعرفتس
لاانا .. ويسلم ويبارك ونتهاوش اقوله عقبالك ويقول لا ان شاءالله عقبالك انتي
لين سمعنا صوت صياح
اثاريها امي مخربتها من بدري
واطلع اشوف اخواني وولد خالتي عساهم خلصو وماابي اجلس معها بيخرب مكياجي همن صدق بتجلدني .. قلت هيمو عندك ايها سكتها واروح واخلي حريملاا بكبد اهلها

وجو اهل المعرس ..
ومشكلتي مااعرف اهلي وارحب زي الناس خخخخخخ
بس دخلتهم واتمتم بكلام<< مايدرون وش تقولين
وامهم الله يصلح قلبها تحب القهوه " ماشاءالله " قروشت امي .. ماانيب فاضيتلك الدله كبيره ومليانه ويديني تنتفض
واهلي جايبين صياني حلى كبري .. يالله اشيلها وفستاني طوووووويل وجزمتي متعبه
صرت افصخ الجزمه عند باب الغرفه وادخل جوا واحوس وكلش واذا جيت ادخل عليهم كشخت بالجزمه
وانا اصب قهوه لوحده من بناتهم نقطت عليها وسكتت وسويت كني ماشفت
وانا اصب لاامي ابلشتني جدتي تنغزني اصب لاامه يختي خلاص بيجيها الدور ومن اليوم وهي تشرب ماشاءالله
وانا اصب شوي قهوه على امي خخخخخخخخخ
وتصرخ وشو انتبهي .. خلاص طيب لاتهاوشين وبعدين صبيت عليك شوي خربت الدنيا <<
توني صابه على بنتهم وماقالت شي بس سبحان الله << قفله اليمه خخخخخخخخخخخخخخ
قدمنا الشاهي وحوسه ..
وبعدين الزفه ماحضرتها ولاشفتهم .. رحت ارتب العشاء وحوسته
بعد الزفه العشاء توني اذكر اني ماتعيشت اذكر اني دخلتهم مع امي ورحت اركض ارتب اشياء مابعد العشاء الهدايا والحلاو وارتب الطاوله
بعد العشاء شاهي وشغلو المسقله ويرقصون وامي تنغزني ارقصي معهم
مافيني حيل معليش
انتي وخالاتي وخواتي 2 مالكم حاجه ارقصو
بعدين راحو بحفظ الله ورعايته وجونا جيرانا وبناتهم ومرت خالي وبناتها
وجبنا لهم القهوه والشاهي مره وحده .. وامي تخزني يعني كل شي لحاله
بس كني مااشوف .. يوم جبنا العشاء لهم
رحت اغير ملابسي وقعدت اصيح عاد خخخخخخخخخ
يامصــــــــــــــــــــــــــــــــــلي ماصبرت لين راحو ذولا صياح سامج مهوب تعبر ودموع تنزل بسكات لا
صياح قوي وتنهد والصياح اللي واااااا واااااااااااا <<-
حتى ان اختي وخالتي جايين يركضون يحسبون فيني شي
من بكره زواج ولد جيرانا وكان اخوي يبغاني احضر وارقص معهم عشان اخو المعرس صديقه مره
وماقدرت تعباااااانه قلت ان رحت متغطيه كثير عليهم
من بكره يقولي اخوي ليه مارحتي انه يقول اهلي يقولون ماجاء الا امك واختك الصغيره وين الباقي
ياشينك قايله بتجي امي وهمس و....
لاتعليق

الخميس اللي بعدو الثانيه متزوجه ولد عمتي نفس النظام بس عمتي تكفلت بعشاء الحريم ببيتها بس مارحنا
ع بال ماانزفت اختي وامي ذاك اليوم تعبت علينا
واختي اللي اصغر وديناها الاسعاف خخخخخخ عليها حمى
والكوافيرا مالقت حجز تسافر ونامت عندنا .. ياقهري راحت وانا ودي اني قابصه بنتها ياهي قللللللللللللللللللللللللق
امي قالت روحي انتي وخالتك وجدتك .. بس طالعت الساعه 12 ونص مالنا داعي نروح الحين
عشاء بالبيت ومن العشاء الناس بادين وهي تعبانه واختي الثانيه تونا جايبينها حوسه حوسه
ورقصنا وفليناها عند العروسه
طبعا عرس هاذي مب متعب صحيت الظهر وصلت الكوافيرا واكتشفت تبي صوف رحت اشتري لهم ومريت اجيب الكيك والعصيرات
ضبطتلي شعري قبل العروسه والماكياج عييت تحطلي حطيت شي بسيط وبس
طول وقتي مع اختي
والحريم بس خالاتي وام جيرانا .. مااتذكر اني قدمت لهم قهوه والا شاهي والا شفت عشاهم
اصلا مادخلت عليهم
كنت غريبه ذاك اليوم حتى اني نمت بدون مااصيح

وصحيت بعد كان عرس بنت جيرانا اعتبرها اخت مب بنت جيران
وكنت مرره متغلقه قدن قدن وعييت اروح المشغل <<- نفسيه
ورحت للعرس وحنا طالعين قالت امي ماانتيب ماره تسلمين عليها
مالي خلق
ترى امها مكلمه تقول بتمرون قبل تطلعون للقصر تسلمون
قلت مالي خلق بصيح وبيصير حوسه مب لازم
ومن دخلت خانقتني العبره وجو بنات خالها وخالاتها يسلمون ودي اصفقهم <<-
طبعا نزل دموع بس احاول اضبط نفسي وابلشتني امي الا ترقصين
وخواتها ارقصي ياشينك ترى بنعلمها انك مارقصتي بزواجها
ترى بتزعل ياشينك ..
طبعا طلعت اهلي بدري من الزواج وجلست اصيح ومن حنا بالممر طالعين
عاد صياح على ثنتين اختي وهي
ياانا صحت صياح ذاك اليوم .. عاد رحمني اخوي وقالي تبين نطلع نتمشى تبين تسوقين <<- مايعرف يواسي
يقولي انتي تصيحين عشانهم اعرسو والا منقهره تبين العرس خخخخخ
وقالي تعالي اقعدي معي بالملحق فيه فلم رعب يحبه قلبك
جلست وراه بعيد عشان مايشوفني وانا اصيح ..
بعدين صحيت من بكره ولقيت تحت راسي مخده ومغطيني .. اذكر اني كنت اصيح

بس ذيك الاجازه كانت اشين اجازه مرت علي وووووووع
كنا قروب حلو لااجتمعنا فجأه صرت لحالي

وبس خلاص

ههههههههههه اكمل لك على زواجي < يعني لاحجت البقره على قرونها
ياختي ورا ماخليتوهن بيوم واحد مهوب احسن ؟
ياختي اخوك زي اخوي ههههههه اشك انهم شاربين من نفس الحليب الحين لو اتقطع عنده ستين قطعه واقوله ابي اطلع يعيي بس هو مايعيي عشانه مشغول ولا شي بس لعانه ومير ان قفلت معي وقلت له ماعاد ابي ورحت يجلس شوي همن يجي هاه تبين اوديك ياخي وشهوله حرقة الاعصاب طيب اففف منكم يالسعوديين <-- الموضوع صار حزبي ياجماعه
استمتعت جدا وانا اقرأ ياختي كويس عندك بنت جيران تعيشين معها وتعيش معك مهوب جيراننا استغفر الله ماقد شفت عندهم بنت ابد ههههههه احس امهم جايبه عيال بس ههههههههههههههههههههههه


جلست وراه بعيد عشان مايشوفني وانا اصيح


هههههههههههه وذي حركاتكم يالسعوديات تحسبين انه مايدري انك تصيحين ههههههههههههههههههههههه صدقيني داري ومتغاضي عسى الله يخليكم لبعض

شكرا للتثبيت ياعسل

المشاركة الأصلية كتبت بواسطة ..:: هـــمـــس ::..

منوله شكرا

خليتيني ادور النوته وقريت فيها اشياء حلوه غير الزواجات

حتى ذكريات الزواج مره انبسطت عليها .. بس اكثر شي ضحكني سوالف ملكة اختي الكبيره هههههههههههههههههههه

شكرا لكِ انتِ والله

حياك ياصديقتي

 

[♥ Manolito ♥]

المشاركة الأصلية كتبت بواسطة مدينة العطر

على طاري لاهم إلا هم العرس ولا وجع إلا وجع الضرس

حضرنا في الباحه زواج إخت زوج إختي وأمها من يوم بدا العرس وهي ياحرام حزينه وشكلها تعبانه ومهدوده مره

اليوم الثاني جت إختي تقول عمتي أم زوجي مرقده في المستشفى عندها إلتهاب شديد تحت الظرس ولازم يخلعوه

وهذا إللي خلاها يوم العرس تعبانه مسكينه .......يعني هم عرس ووجع ضرس

مدينه لحظه ابي استوعب اخت زوج اختي احسها كبيره علي هالجمله !
المسيكينه اجتمع عليها الهمين <-- هم واحد ووجع واحد

حياتس ياصديقتي الجميله بس مهوب اجمل مني اكيد