الوفـا

[الهنوف.]

بسم الله الرحمن الرحيم



جميلة مساحة الثرثرة هذي




أنا عن نفسي أحب اثرثر

أو بـ العربي أحب ( أفضفض )



بس مو مع الأودام لا

أنا أحب أسولف على الورق


عادي جدا تلقون بكل زاوية ورقة مشخبطة عليها و مذيلتها بالتاريخ و الوقت






و لـ مواكبة التكنولوجيا

تحولت ثرثرتي كيبوردية



على فكرة

في شيئن مقدر استغنى عنهم و أنا أكتب ع الكيبيورد

هالعلامة ....!

و ترك سطر


علامة التعجب اللي قبلها نقط مالها أي قصة بس مجرد حركة حبيتها


أما ترك السطر فـ هو من الأساسيات اللي لازمتني من حصص الانشاء التعبيري


نقدر نسميها طقوس


بخصوص الألوان و الخطوط اللي أحب أكتب بها


الأزرق و العنابي و الأسود و الرصاصي


بالتدريج






و لأني أحب كلمة الوفـا



اللي تنحصرمعاها كل المفاهيم في قاموسي



فـ يومياتي بـ سميها


الوفـا





و ان شاء الله لي طلات اذا ما لقيت نفسي أفضفض في الأدبي





لكم

 

[الهنوف.]

مريت على صباحات ( بعض الناس )


و تذكرت الصبح

و مكانته عندي



أذكر من زمان

قبل كم سنة كان في بيتنا جهاز مشترك أقصد الجهاز المكتبي

شفتات و معارك عليه

عاد أنا وقتي المفضل كان الفجر



هـ الوقت


أحس الدنياااا غير


كل شيء فيه صافي و جميل

حتى مشاعري تكون أصدق من أي وقت ثاني



صباحكم رضا من رب العالمين

شكرا بعض الناس خليتني أعيش الصباح و أتنفسه

 

[الهنوف.]

أحيانا ما يلقى الواحد وقت يحك شعر راسه من الشغل و يكون مستانس

هالشعور جميل



على طاري شعر راسه

تدرون صار لي فوق 3 ايام ما مشطت شعري و السبب غير الانشغال

أن ما عندي مشط لأن بنت أختي المفعوصة الله يحفظها ما خلت مشط في غرفتي

فـ ضيعت كل ما تطالها يدها الحلوة لانها مستانسة على عمرها توها تمشي بس الحمدلله
مشطته بالاستشوار و ظفرته فرنسية و انا عارفة أول ما حط راسي ع المخدة بينفتح

لأن استايلي من نهاية 2008 هو الشعر القصير و الظاهر أنه بيصير حلم مع أني أحبه بس أمي متحلفة علي


و على طاري مستانسة

تراني حزينه أني صرت وعه و بعدت عن الحاير

ومستانسة الليلة لأني بينكم




تصبحون على خير

 

[الهنوف.]

مسائكم

كـ أنتم

جميل ، نقي ، رائع


وجدت نفسي اليوم هنا

أريد أن أتنفس و أنفث ما بداخلي


في الآونة الأخيرة خرجت لنا الصحف بفتاوي جديدة و قد نراها نحن العامة غريبة و الأدهى و الأمر أنها من علماء معروفين أحيانا !

لا أدري لم تخرج الفتاوي بصفة شخصية ..!

و لم لا يكون هناك مجمع للفتاوي لا تخرج الفتاوي إلا بعد الرجوع إليه ..!

و لم نجد الفتاوي الجديدة تتصدر صدر الصحف و تتناقلها المواقع على الشبكة الالكترونية

و تعكف الشاشات الفضائية على مناقشتها و استضافة أناس لا يمثلون الدين أحيانا ليكونوا ضيوفا ..!

و لم لا نجد هذه الفتاوي قد أخذت نصيبها في بطون أمهات الكتب الفهية ..؟؟!

أني لأستغرب من حالنا

بعد أن أصبحنا أضحوكة ..!




يا رب نسألك العافية

9:20م
16|07|2010

 

[الهنوف.]

صباحكم أروع صباح يارب


وعساكم دوم متهنيييين



عندي استفسار

ليش احنا لا شفنا مطرب يرتل القرآن نستانس ؟

و هل الفرحة هذي عشانه يقرا القرآن و نعتبر هذا طريق الهداية وما ذلك على الله بعزيز !!

و لا لأنه يستغل صوته في طاعة الله ؟!!

ليش نبقق عيونا اذا شفنا الجسمي ولا كاظم الساهر في مقطع يوتيوب ونبي نسمع ؟!


مع أن المسألة مسألة صوت

يعني في كل الحالات صوته حلو بس هل بيتقن .!


لاتنسون أن الجهل بالأحكام يفقد الصوت جماله !

و ما أنكر أن بعضهم يتقنون الله يثبتنا و اياهم !!

والله يهدي جميع المسلمين




لاتقولون وش فيها صايرة فيلسوفة هاليومين >>هالفيس يذكرني بالجلادة الله يذكرها بالخير

بس لأني كنت اسمع لطفل يقرأ القرآن وطلعت لي مقااطع لمطربين فقلت اسمعها و طلعت بهالنتيجة >>وهذا يذكرني بنجدية الله يذكرها بالخير



وهذي تذكرني بنفسي وهي لكم

 

[الهنوف.]

ياصباح الخير ياخير الصباح

 

[الهنوف.]

قالت لي يوما

في غيابك يختنق الشروق

تفكرت وهل المغيب ينتظر وصلنا هو كذلك ؟!!

و هل الأوقات تتنفس بـ وجود أحبائناا الحب !!

و تفقد جمالها في غيابهم !!

ليت الوصل أمنية تتحقق بـ مجرد التمني !!



صباحكم رضا و مغفرة

4:5 ص
19\8\1430
31\7\2010

 

[الهنوف.]

أكيد تذكرون مغامراتي في السواقة أيام التديب


عاد الحين صار من خذيت الليسن تقريبا 10 أيام

و هذي مغامرة جديدة لأول يوم سواقة بعد التدريب

أمس شجعتني أختي أني أوديها بيتها و هو قريب من بيتنا بس لازم تمر على الدوارات

و شارع رئيسي و كذا يعني

الموهيم طاوعتها و هي كانت أول مرة أسوق بها بعد الاختبار و شكلي ببسوق لحالي

يعني لا مدربة جنبي و لا أحد من أخواني

اللي خاطرهم يقولون لي انثبري مكانك بس


الزبدة


طلعنا من بيتنا و أنا أمشي كني سلحفاة و أحاول أسيطر على السيارة

و أتفادى الحفريات اللي صارت بكل مكان فالفريج

و الحمدلله قدرت أوصل لـ شارع مقطوع بس هالشارع

راح يدخلني للشارع الرئيس من فتحة جانبية

طبعا لين ما وصلت لهالشارع خذ مني وقت لا بأس به

حاولت أتفاداه فالبداية بس ما لقيت لي مخرج غيره و خفت أتفلسف و تاليها أضيع

و ما تسوى علي أضيع من أول مشوار حقيقي

و بكذا بكون خسارة الرهان و التحدي >>> طبعا اتحدى نفسي محد معبرني

دخلت الشارع الرئيسي و الدنيا هادية ع الساعة 4 العصر

و أشخط كني محترفة سباقات بس الجد كان قلبي يرقع و خاصة أني

ما اعرف أتعامل مع مراية جهة اليمين و اللي فوق أحس نفسي داخلة من فتحة الزمن

و اللي أشوفه لا يطابق الواقع بتاتا


الموهيم و أجي للدوار اللي عند ابيت أختي و اللي هو في منطقة حيوية فيها

جمعية و محلات و مطاعم و طبعا هذا وقتها و الكل يبي يوصل لها أو ييتحرك لـ بيته

و يوم قطعت الدوار ألقى نفسي أسبح من كبره

أنا داخلة يسار و أبي أنقل يمين و أنا في وسط الدوار و غير كذا لا داقة اشارة و لا هم يحزنون

عاد و اسمع اللي جنبي طططططططططط ماسك ا( الهرن ) البوق و خاطره ييطلع صفقني و يرجع

و ربي ستر و لطف

و الحمدلله قطعتها بـ سلامة و وصلت لـ بيت أختي اللي هو ورا الجمعية مباشرة

و الرجعة كانت أسهل من الروحة و الحمدلله

بس الصراحة الله يعين اللي تطلع قدامه سيارة صاحبها خبر خير

باختصار

عزيزي السائق توقع الخطأ من الآخرين دائما و اعمل حسابك خاصة اذا لقيت وحدة مثلي فالشارع أحم