أنا وصديقي عميان

[دوادي]

ساداتي أنساتي أخواني وأخواتي .الى كل من يستمع إلي أو يقراء هذه القصة الغريبه من نوعها والتي وقعت على ظهرهذا الكوكب وحدثت على هذه الارض...
في أحد أحياء المملكه في الرياض..جنوبًا او شرقاً او شمالاً او غرباً؟!فالله اعلم)لا أتذكرشيئاً
السلام عليكم ورحمة الله وبركاته.......وبعد

أنني لا أريد ان أطوي >أطول عليكم في الكلام.
المهم السالفه وما فيها:
عندما كنت شاباً
أعيش في قريتي الحبيبه والتي تقع في مكان ما من وطنا الفسيح.
وكنت حينها عاطلاً عن العمل لا شغل ولا مشغله ما فيه اللى قوت سهروترويج حبوب وتفكيك بحشيش وشراب..)ول يا مدبر.
وبقيت على هذه الحاله لمدة ليست بسهله ولا بالقصيره لا تتجاوز الخمس سنوات تقريباوعليها عدة كسور من الايام والليالي الخاليه....مع بعض من الوقت بدل ضايع.
حتى أصبحنا عند اهل القريه معروفين بالسرابيت(الدشير.!
وهنا بدأت مضايقاتهم لنا تزداد يوم وراء كل ليله.
وفجاءه بدأت المطاردات اليليه والغير لليله من اهل القريه وعناصر من الشرطه وبعض من أفراد مكافحة الحشرات والمخدرات الضاره......
إلا أنني لم أقع في أيديهم رغم ما فعلوه من محاولات لطردي من القريه .إلا أن جميع محاولتهم بأت بالفشل.
ولكن تقول الحكمه. الموج يدفع بالمتزلج بما لا يشتهيه.!
بعد نجاحي في الفرار من القريه...
قررت بعد ما حدث لي بأن أغير مسيرت حياتي . كما قال الشاعر الغريب (
فبالمسطرةِ أسطرُ خطي بكفوفي وبالمرسمةِ أرسمُ طريقي بيدي وبمقياس رختر>>مقياس رختر هو لقياس الهزات الارضيه..<<<أقيس درجاتي.)

فذهبت حينها الى المملكه عاصمة الرياض!في شبه الجزيره العربيه..
بعدما وصلت الى هناك.
كان لي بعض الاصدقاءوالزملاء القداماء في عاصمتنا الحبيبه.
فقد أستقبلوني بكل حفاوتٍ وتكريم.وليس بغريبٍ عليهم...!فعوايدهم الطيب والمهايطه!!

وكان أحدهم يدعى براعي الصفراء نسبتاً الى لون سيارته !وكان راعيها فعلاً فهو أكبر حشاش في الشله ومعروفاً عند الجميع ولا يشوف الناس إلا بطرف عين وحده.

وكانت علاقتي به وثيقة ))موقين على وثيقة تفاهم وثقه
وذات يوم وانا في الحاير اتمشى إلا بجوالي يدق...
(دقه وقفله)
طالعت:
الرقم غريب ! سألت نفسي يا تراء من هذا رقمه؟
على كل حال:
طنشت الرقم(تعرفون أنا باقي متقروش من اهل القريه يمكن مرسلين احديراقبني
وما هي الا لحظات قليلة فقط.
الرقم الغريب يتصل مرة أخرى!
(دقه وقفله)
تقروشت زياده أتصل على هذا الرقم ؟والا ما أتصل عليه ...يمكن يطلع واحد من الزلايب.!
شجعت نفسي واتاخذت القرار بأن ادق على الرقم..
دقيت!
سمعت شي ؟ يقول>>
البارحه يوم كلاً راح لفراشه
وحط راسه على المخده ونامي
وبقيت انا صاحي مثل الفراشه
تطير على النور وسط الظالمي
(خدمة صدى)
وهذه الكلمات للشاعر الغريب.
مارد .دقيت مره اخرى !
فجاة الو.
صاحب الرقم:مرحبا
دقيت دقه وقفله يا بوي
صاحب الرقم:نعم
ما عليك زود)متقروش.....
أمر من أنت؟
صاحب الرقم ما عرفتني؟
لا والله ما عرفتك مشبه على صوتك
وانا اخذ واعطي معه كي اتعرف على صوته.
قلت انت ابو نجر!
صاحب الرقم:لا من كثروا اصحابه نسى احبابه. الله لنا
قفلت معي ومتقروش!
اسمع يا تقولي من انت ولا ترى بقفل الجوال!!
صاحب الرقم:لا..انا راعي الصفراء
وانا اللى أرحب ذيك الترحيبه اللى سمعوها جيراناء كلهم
راعي الصفراء:سلمه
وش فيك مارديت يوم دقيت عليك اول مره؟
راعي الصفراء:وش رايك في الابيات زينه توني مشغل صدى
وأبيك تسمع الابيات.

زينه يا رجال <دامها تمشي مشها>وش علومك وش الحال وش أخبارك.
راعي الصفراء :خل الكلام شوي نبيك تقابنا دحينه :
انا من يوم عرفت انه هو .ربي جابه مقطوع وما أعرف أحد.
وين فيه بس قلي واجيك..
راعي الصفراء :في المتاهه!
دبرتلي موتر من عند أحد الشله ودزيت للمتاهه.
وصلت قبلهم خرمان واكيد مقال تقابلني اللى معه شي؟
انتظرة ربع ساعه إلا وأخونا يصفط.
أرحبو!!!
فرشنا الفرشه وفرطنا ما عينا من حشيش معهم
وكان معه شخص غريب..ذو شكلاٍ عجيب..!
كأنه المسواك.طويل الكراعين. طويل القامه. .. نظره ضعيف ....ونحيف <ولا خبز صامولي!
غريب الاطوار...! لم أرء في حياتي اللى ماهي بسهله ولا بالقصيره.مثله!!!!!!!!

المهم تكينا ومع السوالف وحسب خبرتي اللى ما هي بسهله) خشيت معه بالعرض وما كان منه اللى يخش معي بالطول.
وبين ليلة وضحها أصبح (عميان) صديق الخاص.
وصرنا نتقابل بشكل يومي !! وأذا مر يوم ماقابلته فيه أروح وأفتح كتاب العلوم وأنظر الى صورة الهيكل العظمي للانسان لأنه أقرب شي يذكرني فيه.
وذات يوم وكنا كا عادتنا متكين ماكلين حبوب ومحشيشين مره تشد الحبوب ومره يرخي الحشيش أتفقنا على أن نروح ندور ونبحث عن وظيفه وهو الراي الوحيد
الذي أتفقنا عليه بأ جماع لأننا دايم مختلفين طبيعه وخلقه.

المهم رحنا وكل واحد فينا ما شاء الله معه شنطه فيها شهادات واوراق دجه وضياع (واحد متخرج من خامس بعد أربع سنوات سقوط والثاني معه سادس ليلي>>>
ولكن أهم شي الخبره فهي ولله الحمد متوفره لدينا طبعا من تجارب الحياه .فالواحد يا أخواني وأخواتي لبد أن يأخذ من حياته خبره وعبره خاصة من الأخطاء الصحيحه.!
واللى ما عند خبره في الحياه يعني(عمره صغير)يسأل السواق وكان ما عندهم سواق يسأل الخدامه وكان ما عندهم خدامه يسأل أقرب هندي في البطحاء.
المهم كل ما قدمنا على شركه اخذوا ملافنا وقالوابنتصل عليكم .

وكل ما قدمنا على أي شركه أو قطاع أخر نكتب لهم الأرقام وأرقام اللى نعرفهم !لأن الطفره شينه ممكن نبيع جوالتنا.
وعلى الاقل لدقوا يلقون اللى يردون عليهم. ياله من ذكاء<<أنظر يا حلو لين يجيك الربيع!!
ومرت الأيام وما أحد دق علينا_ولكن مزال الأمل موجود وهذا الدافع اللي ما خلاناء نيئس منهم.

ولكن مازال الطريق أمامنا طويل فكل يوم يمر إلا يأتي معه بفكرة جديده.
وكانت أحدى هذه الافكار بأن نعتمد على أنفسنا ولكن كيف؟
وفجأه طرت علي فكره وهي غسيل!
نعم غسيل وتنظيف وتلميع . فكم من شغله كبيره أصبحت صغيره.
عرضت الفكره على عميان .وكانت ردة فعله قويه جدأ وكان متحمساً لهذي الشغله.
وسبحان الله العظيم ربي ما خلقنا عبث أو نأكل ونشرب خلقتا للعبادته.صح بارك الله فيكم.........!!!
المهم الشغله ما تكلف شي إلا أشياء بسيطه جداً.
بدينا وكانت البدايه صعبه ما عندنا ولا قرش واحد ولكن من كان له حيلة فاليحتال.
وبتوفيق من الله دبرنا بعض أغراضنا من بيت عمينا )وأستغل هذه الفرصه ومن على هذا المنبر أن أشكر أخي وصديق عميان على مقدمه.ومشكور.

وهي كالاتي:
1ـ سطل لوضع الماء فيه ويكون من الحجم المتوسط.
2ـ فيري من الحجم الكبير حتى تتمكن من مواصلة العمل.
3ـ قطعة قماش وتفضل بالون الاحمر )أقرب فنيله أو فوطه اوشماغ أهم شي تمشي حالك.
4ـ ملمع طبلون(لامانع من استخدام الكريمات التي ما يكون لها رائحه. كي لا ينكشف الموضوع.
5ـ قطعة سفنجه<<وهي متوفره دايما في المطبخ أو اقرب طراحه او مخده.
6ـمكنسه يدويه مش شرط توفيرها.
وهاذي كل الاشياء المطلوبه. فغسيل السيارات يا أصدقائي يدر بفلوز بالهبل.مع توفيق الله.
وكان أول محل نروحله هو مستشفى الشميسي.
طبعا مغيرين ملامحنا علشان ما احد يعرفنا ونبلشبه. وصناء لشميسي وعميان متحمس . وكل واحد مسكله زاويه اول سياره غسناه مجانا!!!!ً .
وثاني سياره بريالين!وثالث سياره باربعه ريال! وحض اوفر لسياره الرابعه.
وأستمرينا في غسيل السيارات ولكن كانت المنافسه من ابو هنود وطقته قويه . ومن بعض الزكرتيه كانوا يطردون من المواقف.
ولكن مازال عمينا مصمل على غسيل السيارات يأكل من الحبوب ويغسل وبعض الاحيان تمسك على طيب ومجانا يا شيخ.!!
وأخذنا ما يقارب شهر ولم نحصل على المبلغ المتوقع. فغيرنا المكان وأنتقل عملنا وسط الاحياء الراقيه.
فصرنا نترنح بين البيوت ولشفنا البيت اللى عنده سياره فخمه أو زينه يكب (يسكب)عليها واحد شوية عصير او بيبسي معنه غالي هالايام بس وش نسوي
ويدق جرس البيت واذا ما عندهم جرس يدق الباب والثاني في أخر الشارع بسطله وأذا طلع صاحب السياره من يوم يشوف سيارته وسخه على
طول ينادي خوينا ويغسل السياره وكأنه لا يعرف الموضوع .
ظبطة معنا الشغله حوالي شهرين ودخنا فلوز حتى جاء يوم مشؤم وكنا قد خططنا على إحداء السيارات كالعادة عصير وبيبسي وما هي ألا ثواني
وصاحب السياره يطلع من بيته!
والله لا يوريك هذا كف ولا هذا تلطيم وبطريقتاً ما أنفكينا منه.

وتعال وشفني أنا وعميان كلاٍ منا ركز ساقه وأبوك يا الطردي بس مشاء الله على عميان ما عاد ناشت رجليه الارض كأنه طلقه.
التقينا في الوكر(الشقه) عند واحد من الشباب وحنا في وضع ما نحسد عليه اللى رجله منقطعه والأهم أن أغراضنا نسيناه في مكاناء.
بعد اللى صار أخذ كل واحد منا يلقي اللوم على الثاني وعميان يسب فيني ويلعن الفكره ويقول والله ما تجيبها في سداد المهم أشد الخلاف حتى أن فكرة الغسيل تكنسلت.
مرت أشهر عاطلون عن العمل .وبصدفه لقيت واحد من الربع أعرفه في محل )ناسي اسمه والله!
سلم الرجال وسلمت عليه وش العلوم والاخبار ومن ذا الكلام حتى تطرق اللى مسألة الوظيف <بشرني توظفت....
رديت على الرجال وانا أهزراسي لا والله ما توظفت!!
وش السبب قلت يا بن الحلال الشهاده ما ش والواسطه ما به واسطه.!!!!!!!!!!!!!!!!!!!!!!!
وهو اللى يضرب على صدره افا ابشر بالوظيفه تمرني في شركة دجو وأبشر بالسعد.
وأنا اللي أنقز بسرعه وبشر عميان ونروح لطويل العمر ويوظفنا في الشركه وتزين امورنا واموركم أنا شاء الله.
وصرت أنا وعميان نداوم في نفس الشركه.
ومع أني لازمت عميان عرفت بعض تصرفاته الغريبه أذا جاع حك بطنه ويأكل ولا يشبع وكل ماكلاء لقمه قال لي ولقمه لهم؟
تأتي هنا الحكمه اللي تقول: (يأكل أكل الدود والحال كأنه عود) واذا بينام نزل نظراته بس
ليش حاله كذا ؟
أكتشفت أخيراً أن في وسط بطنه مستعمره وجيش من الدود.!!!
وتم علاجه على نفقة فاعل خير ولد شيخ مكموخ من الجماعه و أحد التجار(ما أبي اذكر اسمه.!!!
وتغيرت حالته صار يأكل مثل الأوادم >وأصبح وزنه ما يقارب 190!!!!!كيلو وهو يتمتع بصحه جيده. فسبحان الله مغير الاحوال...
أما أنا رجعت الى مضارب الديره وكان هناك بعض التغيرات من نظرتهم لي ولكثرة الشباب العاطل والدشير .تخلو عن بعض مطالبهم.
وعشت باقي حياتي في حل مشاكل الديروأهلها.


وأخيراًوليس بأخير (صلوا على سيدنا محمد عليه أفضل الصلاة وسلام)

 

[$ جـــوري $]

يالله حيّ دوادي << احس ناقص حرف ..

موضوع يبي له قعده ..

نثبته ونمخمخ عليه ونرجع اذا ربي اراد ..

 

[ابو خشم]

طيب خويك الاول الي في اسمه شئ اصفر وش صار عليه؟؟

 

[BRAZILIA]

اللهم صلي وسلم على سيدنا محمد


اهنيك ع السرد المشوق لاني شفت طول الموضوع وبغيت اطلع
بس من اول سطر اضطريت اكمل اشوف وش سالفتك

فعلا اتحفتني وضحكنننننننننني خويك

وبعض الاحيان تمسك على طيب ومجانا يا شيخ.!!

عوافي يابطل

 

[الديك المكار]

يلعن بليسكم الحين على الحديده ومطفرين ..واغلبـ جلساتكم حشيش وحبوبـ من وينـ تجيبونها ..


والله الشغل مو عيبـ .. بس انتـ وبو طوله اللى معكـ اللى تقل موز هذا احسه ماش ..

امكن انـ القصه اعجبتنى حييييييلـ ورب السماء ..

وامكن اصير صديقكـ بس من دون حشيش .. وبعشيكـ بالسنه مره والباقى عليك .. امكن توافق..

وتسلم ..

 

[دوادي]

الله يسلمك جوري وهاذي اول مشاركه لي مع أني من رواد المنتدى وقراءه

واتمنى بان تكون لاقة اعجابكم
ولا نقاس بالعمالقه الموجدين في المنتدى.
(شكرأ برازيلي)

أما بالنسبه لخوينا يا أبو خشم هذا سقط سهونأً.

اما أنت يا ديك باب الصداقه مفتوح والحشيش خلاص تبنا ولكن العشاء لا تنساه
والباقي على الشباب!!

وشكراًللجميع......................